唔驚叉斷線！iPhone 12 Pro轉用磁力叉電 + 黑魂AirPods Pro Lite

撰文：編輯部 | 圖片來源：網上圖片

磁力叉電兼飛走Charging Port？

近日，網上消息大多表示Apple會預期9月至10月發售iPhone 12 Pro，早前報道iPhone 12 Pro會改回iPhone 4 金屬邊框設計，絕對有理由相信係為改用磁力叉電而設，因為喺網上流出嘅設計圖中，細心睇機身側有個細長位，以為係入SIM咭位咩？原來係預留磁力叉電，解決iPhone咁多年困擾大家嘅斷線問題。

大家見到機身右邊有個灰色位，就係預留作磁力叉電，而SIM咭位就搬到機身左邊。

邁向教主願望全無線化

問題嚟啦，咁冇咗Lightning線我又好old school一定要過返資料落電腦度咁點算？暫時見到相就保留返個Charging Port位，但亦有傳會飛走埋。個人覺得跟據Apple上次飛走3.5mm做法，相信飛走埋機會大啲，邁向教主願望全無線化，不過咁的話隨機就要送AirPods喎！

蘋果教主Steve Jobs講過佢最憎就係產品有條線，所以佢一直研發無線同一體化產品，希望喺iPhone 12 Pro可以見到。

個人都好希望飛走Charging Port，好多塵喺入面呀！

黑魂AirPods Pro Lite？

只要你將資料聯結埋，就會見度可信度都幾高。傳完飛走Charging Port，就傳出會推出AirPods Pro Lite，但功能就未清楚，可能係AirPods Pro第3代，或者係AirPods Pro平價版，不過，推出黑魂版機會就極大，因為功能改變不大，最大賣點一定係顏色！

網上流傳另一張Lite版相，就連充電盒都簡化，其實幾配合到未來iPhone 12 Pro飛走Charging Por嘅設計。

網上亦流傳一張類似蘋果官網相，確實有為AirPods Pro Lite預留位置。不過，當然以上都係網上流傳，一切都要睇蘋果公布為準。

📣訂閱SSwagger TG頻道，接收抽鞋、潮流最快消息➡️https://t.me/sswagger