美妝控必去！踩入三層@cosme旗艦店 由掃貨玩到扭蛋全紀錄 同閨蜜喪試450+品牌
G/F開箱：港日大賞柱打卡 mini COSME細裝試用唔使「課金」
一入門口，Katie同MeMe已經被地下層幾支「港日大賞柱」震撼到。「嘩！呢支精華日本斷貨王嚟㗎！原來香港已經有得試！」Katie指住柱上的美妝產品，雙眼發光。幾支大賞柱放滿2025年最新日本同香港美妝大賞產品，擺到有如藝術裝置，兩個人立即舉機打卡，還拿起心水產品扮專業評測員，說要「頒個自己嘅大賞」。
地下層還有一個學生黨至愛——mini COSME區域。「呢個概念正啊！買細裝試用，啱用先買大裝，唔使亂『課金』！」MeMe興奮地尋寶挑選試用裝。Katie就拿滿了一籃戰利品，細數：「防曬、化妝水、面膜……平均幾十蚊一件，返去試真啲先再買貨裝，超精明！」
1/F互動：同「美妝妖精」掃碼睇口碑 排行榜挑戰揀心水
上一樓，兩個人被可愛的「美妝妖精」Micael吸引住。「原來掃佢個QR Code就可以即時睇產品用家評價，唔使再上網狂Search！」MeMe一邊掃碼一邊讀出評價，「呢支化妝水好評過千，話保濕力超強！」Katie即刻拎起產品研究，笑言Micael係「人類決策輔助器」，幫佢哋解決選擇困難。
行到銷售排行榜前面，兩個人玩起小遊戲——「為對方挑選一件產品」。「上次你話想對眼再『大啲再sharp啲』？呢支上榜No.1嘅睫毛液，用完即刻變娃娃眼！」MeMe挑了一支超濃密睫毛液給Katie；而Katie就選了一盒定妝粉推薦給MeMe：「你成日話個妝溶得快嘛，呢盒定妝粉係第一名，夏天行山都唔脫妝㗎！」兩個人隨即興致勃勃討論起「三文治定妝法」同「烘焙定妝法」哪一種更適合香港的天氣，一邊試用一邊交流心得，儼然成為美妝小教室。
2/F探險：香氛機搵命定香味 面膜牆打卡玩到唔願走
上到二樓，Katie同MeMe直奔香氛機。「好緊張啊，唔知會測出咩香調？」MeMe撳掣後期待地望住屏幕，兩人的結果竟然一樣是「甜蜜樂曲」。「咦，我哋咁夾，香味都係一對㗎！」兩人跟住結果去逛全港最大的香氛區試聞，互相推薦適合對方的香水。
行到面膜牆，兩個人再次被震撼。「呢幅牆簡直係打卡聖地！」Katie和MeMe隨即拿起幾款日本爆紅面膜推介：「呢款補水力超強，聽日有重要約會今晚就要敷！」兩個人一邊打卡一邊分享心得，完全玩到不願走。
二樓還有配備AI肌膚智能檢測儀，——僅需簡單檢測，即可透過AI分析深入了解肌膚狀態，取得包括皮膚類型、毛孔、彈力、斑點、泛紅、皮脂、紫質等13項關鍵膚質數據，更有專人提供專業解讀，讓護膚不再盲目。
最後一站是扭蛋機和夾公仔機，只要購物滿額就可以玩。「好開心啊！買嘢仲有得玩，真係抵晒！」兩個人拎住戰利品擊掌，為這趟美妝遊樂園之旅劃上完美句號。
後記：不止購物，更是一場沉浸式美妝體驗。
Katie與MeMe在結束這次探店行程後，一致認為@cosme旗艦店最迷人之處，並非僅僅在於販售商品，更在於其成功打造了一個「寓探索於玩樂」的沉浸式體驗空間。從一樓探索到三樓，每個專區都充滿驚喜，與好友同遊，真的可以輕鬆度過一整天。
對於熱愛美妝的Z世代與大學生而言，這裡不僅是一個購物目的地，更是一個能無負擔試用產品、發掘小眾品牌、並與朋友共享樂趣的美妝樂園。
（Presented by @cosme）
