褸OG

忽然又雨又涼?推介8件減價風褸 x 配襯5個「要」知Tips

呢排天氣時涼時熱,又會落下雨,究竟香港重有冇夏天㗎?其實遇著呢類天氣,最緊要入定一、兩件風褸(Wind Breaker)在身同在袋,咁就冇有怕!而且配襯度方面,風褸嘅變化同款式都非常高,正所謂功能與外貌兼備!趁而家重係入手風褸嘅時節,有薄有厚重有減價,而且入咗都重著得一段時間,抵番晒!今次就先同你chat下著風褸配襯Tips,再推介必入items!

撰文:Ethan Wong|圖片:網上圖片

.

襯風褸唔出事「要」知…

而家各品牌推出嘅風褸,款式都已不再只傾向運動款及設計單調,百花齊放,要簡約味有簡約味,要爆彩大logo print亦有,但在配襯上都統一有些要注意事項,先同大家分享下!

1. 要小心比例!而家好多風褸都會有連褲同系推出,咁喺統一感上,可以afford到嘅話,全套著,問題都應該不大;但如果你要自襯下身時,就要注意比例,如上身太闊cutting襯下身勁窄skinny cut,除非你好有自信,否則都係上下身平均番個比例感最穩陣。

2. 要避免撞牌!成日都喺網上見到,咪以adidas襯Nike啦(或相反),對於一啲較執著潮人嚟講,呢個確係黃金法則!咁襯風褸都一樣,要自襯下身的話,配搭一條no logo嘅jogger pant或track pant就最冇違和感啦!

圖片:lookbook.nu

3. 要拉晒拉鏈!暖唔暖、擋唔擋風係另一個問題!硬係覺得,將件風褸拉晒拉鏈著,係型啲嘅!一來有安全感啲啦,二來成件褸型又好睇啲(唔使件褸分開兩邊飄下飄下),三來而家好多設計都係要拉晒拉鏈先見到個重點,所以要拉晒著囉!

KITH SPORT Collection

4. 要襯小配袋?幾時都話,識得加件小配件,係可以增加型味嘅!所以如果有需要嘅話,斜孭番個運動小袋,係幾有點睛效果嘅!又可以玩同色、撞色,而且想攞少少嘢出街時,又唔使係要孭個大backpack,又真係有實際用途,一舉幾得!得咗!

圖片:fuzweb.com

5. 要點襯casual look?風褸如果唔襯番jogger pant或track pant,最安全襯法係襯牛仔褲,成件事會好有英倫街頭味,但切記唔好襯chino(斜布褲),公園大叔味會即刻出晒嚟!至於西褲呢啲,唔使講你都知唔得啦,你又唔係日本啲廠長,係咪?

圖片:Pinterest
.

涼雨天必備減價風褸推介

了解完配襯需知,咁就梗係要睇下有咩on sale好風褸可以即刻入手啦!

1. Nike Windrunner A.I.R. Cody Hudson跑步外套  減後價:$559(即入手)

Artist in Residence(A.I.R.)系列這件來自Cody Hudson設計嘅風褸,驟眼睇,係咪極似CDG PLAY出品呢?

2. Zalora Trendyshop修身連帽風褸軍褸  減後價:$438(即入手)

減近半價,貨量已不多,只餘size L,入手要快!話晒L都屬靚size,而且slim cut,大碼都唔會太大件。全褸Details夠多,帶軍事咪,其黑襯米色亦好舒服順眼。

.

3. Nike Sportswear Cross圖案軍綠色梭織外套  減後價:$679(即入手)

設計源自經典90’s運動服,寬鬆剪裁,軍綠色,易襯而且刻下最hit。亦正好對應先前提過嘅「拉鏈全拉」著法,咁先睇到個Cross圖案嘛!

4. ASOS DESIGN格仔 x Colourblock風褸  減後價:$117(即入手)

ASOS自家設計出品,格仔加上colourblock外觀,時尚感已十足,用來襯牛仔褲等casual style會有極為順眼的效果!

.

5. Nike Running “Tokyo”跑步外套  減後價:$639(即入手)

極具artist風嘅字體及graphics設計,胸位印有Tokyo字樣,print內都係同Tokyo有關嘅風景或象徵,直情可當特別版咁著啦!

6. Urban Outfitters Topo Designs搶眼綠色風褸  減後價:$628(即入手)

100% Polyester用料,輕身擋風,可機洗;最大賣點當然係個搶眼綠色,配色啱啱好,sharp得嚟又唔太難襯。

.

7. Nike Windrunner日本圖案風褸  減後價:$639(即入手)

極之罕有嘅風褸配色(帝國紫),配上抽象感日本靈感graphics,一望落去已好想擁有!趁重有少少貨量,好快啲入手啦!

8. ad-lib Color Block粉系間色尼龍風褸  減後價:$315(即入手)

本地出色品牌,出品都極有水準及誠意。100%尼龍用料,輕身、擋風。仍備有黃色及淺綠色可選擇,呢兩隻色水,而家天時穿著非常適合!

📣訂閱SSwagger TG頻道,接收抽鞋、潮流最快消息➡️https://t.me/sswagger

SS推介你感興趣...