jordan紀錄片 web 2 (1)

睇Jordan紀錄片前要做功課!9件公牛王朝你唔知道的事

萬眾期待,「籃球之神」Michael Jordan紀錄片《最後一舞(The Last Dance)》4月19日首播,雖然香港觀眾要等多排先可以睇到,不過,大家都可以做定功課,睇下以下9件公牛王朝你未必知道嘅事。

撰文:編輯部 | 圖片來源:網上圖片

.

9件公牛王朝事你知幾多?

1. 柏賓人工低過綠葉

1997-98年賽季,即是第2次三連霸最後1年,「二哥」柏賓(Scottie Pippen)同公牛總經理Jerry Krause喺合約問題上鬧得不愉快,雖然貴為「二哥」,但年薪卻只有278萬美元,重低過「澳洲牛」朗尼(Luc Longley),真係好離譜!

Jordan紀錄片

2. 以柏賓換麥基迪

時間推前返前1年,當時公牛總經理Jerry Krause差啲諗住用柏賓喺選秀會上交換18歲嘅「T-Mac」麥基迪(Tracy McGrady),喺最後一劇,Jordan打電話俾管理層話如果進行交易,佢就會退休,「二哥」先可以留喺公牛隊,完成第2次三連霸。

3. 公牛差啲解散?

其實,1998年公牛係喺四分五裂中完成三連霸。開季柏賓同禪師Phil Jackson已經同球隊鬧得不愉快,加上開季後柏賓背傷,開季15場只打出8勝7負戰績,Jordan同柏賓、洛文(Dennis Rodman)、禪師大家都有共識,相信係最後一季合作,所以柏賓等人先留隊完成第2次三連霸業,即係紀錄片所講嘅The Last Dance。

按此入手更多AJ1、AJ4籃球鞋

.

4. 本身可以4連霸?

多年後,三巨頭之一嘅「籃板王」洛文(Dennis Rodman)接受訪問時講過,喺三連霸後,其實可以再打多年或者可以完成4連霸,但因為球隊唔肯俾Jordan想要嘅合約,因為Jordan冇簽約,所以佢同柏賓都選擇離開球隊,王朝就係咁而結束。

5. Kerr同Jordan大打出手

大家都記會記得1997年,總冠軍賽第6戰第4節最後一投,Jordan喺夾擊之下將波傳俾Kerr,當然Kerr亦完成任務,但原來喺1995-96季前訓練中,Jordan不斷用「垃圾話」羞辱Kerr,最後雙方大打出手,Kerr重被打到成頭血,不過,又點估到1997年因佢哋合作而贏得總冠軍?

6. 45着23係裝備經理主意

Jordan首次復出係着45號波,可惜喺季後賽對魔術隊時,因失誤被對方嘅Nick Anderson串45不及23號,因而着回23號波衫⋯⋯原來係公牛裝備經理 John Ligmanowski嘅主意:「呢個係我嘅主意,我建議Jordan嘅。自從佢復出後,除咗45號,我一直都帶住23號波衫喺身。基本上,佢喺出場前先決定穿返23號。」

就係呢場,着住45號波衫嘅Jordan低級失誤令球隊輸波。

着返23號波衫,立即攻下38分帶領球隊勝出比賽。

.

7. 着皮鞋單挑贏隊友

BJ Armstrong(圖左)曾經同Jordan做過隊友,佢就爆料Jordan首次復出嘅趣事:「記得有日Jordan嚟到球場,除咗外套就話想同我嚟場one on one,但當時佢只係着住皮鞋,我只係唔想俾佢攞分,但最後佢都係贏咗我,我重好記得皮鞋擦球場嘅聲音!」

8. Jordan VS 柏賓邊個贏

Jordan球場上最後柏檔一定係柏賓,不過如果Jordan VS 柏賓又會邊個贏?1994年9月9日,Jordan喺退休期間,參加由柏賓主辦嘅一場慈善籃球賽中,就可以欣賞到呢個對決,而Jordan喺比賽中亦獨取52分。

9. 公牛隊Logo未改過

公牛隊自從1996年進入聯盟後,就以紅色公牛作為球隊精神象徵,亦係目前NBA球隊中唯一一支成立至今從未更改過隊徽嘅球隊。

📣訂閱SSwagger TG頻道,接收抽鞋、潮流最快消息➡️https://t.me/sswagger

SS推介你感興趣...