意外

免撼親頭、彈胸、冧門!在家運動必要注意8大安全事

呢排受疲情影響,大家都減少出外,連做運動嘅地方亦大部分關閉,大家都只好留在家中做運動。不過家中始終空間較細,又多傢俬雜物限制,做時真係要格外小心,否則因小失大,keep唔到健康,整傷埋就真係唔抵!先睇片,睇下有咩意外會喺在家運動時發生,再話你知要注意邊幾點,就能夠做到安全在家運動啦!

撰文:Ethan Wong|圖片:網上圖片

.

近日在網上就有人整合咗在家運動失敗或發生意外嘅影片合輯,小編睇見都feel到忍忍作痛!

Quarantine workout – Safe at Home!

Quarantine workout – Safe at Home!Send your fail to direct @amazingwgmore workout ideas https://clc.to/amazingwg

Posted by Amazing Workout Girls on Wednesday, April 15, 2020

睇完係咪驚驚?唔敢再在家運動?其實又唔使,只要常注意以下幾點,在家運動就可以安全得多:

1. 必做足熱身

其實做任何運動都係要熱身的,無論係靜態或動態熱身,都建議大家預留5~10分鐘warm-up。可以是簡單嘅提腿,又或是手部擺動,主要係令你身體熱起來,有點快要流汗嘅感覺,那進入正式workout時,就可以減少扭傷筋腱。

2. 器材使用幅度

片中好多意外都是由運動器材造成,所以使用該器材前,最好先預計好workout時所會觸及嘅範圍,例如啞鈴孤度,一唔小心,就好容易撞爆你屋企啲靚靚傢俬或者擺設。

.

3. 檢查運動器材

利用運動器材如啞鈴或彈力帶前,最緊要check清楚器材嘅各部位是否已鎖好,如啞鈴嘅「餅」、彈力帶有冇老化/接近斷裂邊緣等等,花少少時間檢查清楚,就可減低意外發生。

4. 穩妥器材連接位

如要在家中使用牽涉入牆位或連接位嘅運動器材,就要份外小心。好似TRX呢啲,事先要檢查清楚牆身或家居連接位嘅承受力、連接位狀態(是否有鬆脫現象或已安全地安裝配好)、附近嘅傢具會否於workout時郁動到、脫落而造成意外等,都要double check!

5. 要量力而為

由於在家運動一般冇PT(私人教練)在旁,又或者係睇住YouTube跟做,做到一時興起,可能會超過自己能力負荷範圍,輕則拉傷筋腱,重則可能會有生命危險!所以如果大家做做下發覺有頭暈、呼吸唔到等跡象,就要即刻停止,唔好死頂!

Pinterest圖片
.

6. 小心寵物細路

在家運動時,如附近有小孩或貓狗寵物,就要分外小心,因為佢地通常好奇心極重,唔知你做緊乜嘅時候,就會有可能忽然接近你想參與你嘅活動,如果你做緊嘅一啲重型動作,發生突發碰撞時,就有機會釀成較嚴重意外㗎。

Pinterest圖片

7. 家運後都要拉筋

同一般室內外運動一樣,就算在家運動,都唔能夠輕視,做完之後都要拉筋,主要功能當然係加速身體排除乳酸等運動後廢物,快速消除疲勞,促進肌體快啲recover;如果第2日唔會太疲倦、筋骨有酸痛,咁咪可以繼續在家運動囉!

8. 運動後食好嘢

呢個對於大部分人嚟講,可能係在家運動最期待嘅reward moment!一般可以喺運動後30分鐘內進食,並且以碳水化合物同蛋白質食物為主,呢類食物能夠有效幫助身體運動後修復,正呀!

咁提咗你8點在家運動注意事項,希望大家做得開心又安全,最好梗係,疫情快啲過,大家又可以出番去室外做運動啦!

📣訂閱SSwagger TG頻道,接收抽鞋、潮流最快消息➡️https://t.me/sswagger

SS推介你感興趣...