31231

在家抗疫!推介10個解悶抗疫App 教你免費下載《動物森友會》手遊版

最近大部分朋友為咗抗疫,都選擇留在家中,不過長時間足不出戶難免感到沉悶,所以推介以下10個在家抗疫App,無論你想打發時間、充實自己或者同朋友聯誼,都可以滿足到你!

撰文:David Tam & Terry Ho | 圖片來源:App Store

.

1.天黑請閉眼-狼人殺繁體版 睇你演技

一大班朋友最適合就係玩《狼人殺》!遊戲中,玩家會分為村民及狼人,每次入黑,狼人可以殺死一名村民,所以村民要盡快估出狼人身份,狼人亦要喺暴露身份前成功解決所有村民,絕對是考驗演技及友誼的好遊戲。不過,要注意download呢款App要將地區改變為台灣先可以。

抗疫app

.

2.Houseparty 簡單無聊小遊戲

《Houseparty》玩法好簡單,螢幕右上角有一個「+」圖示,可以隨時睇到所有聯絡人並將其分組以進行通話;在「+」下方,重可以搵到個「骰子」圖案,可以隨機選擇超多超好玩嘅遊戲,例如:比手畫腳、卡啦OK⋯ 等。

.

3.《動物森友會》手遊版 冇Switch都玩到

其實手機版《動物森友會》早喺2017年已經喺App Store同Google Play平台出現,只係近排大家成日喺屋企,令遊戲再次引起大家嘅瘋狂洗版。不過,暫時只有日本App Store先可以下載到,所以大家要轉咗日本AC先,再喺App Store搜尋「animal crossing」就可以玩。

 

.

4.Party.io 成班fd鬥推人

喺《Party.io》當中,玩家要盡量將對手推出地圖之外,生存到最後嘅成員就能獲得勝利,玩法簡單節奏明快,而且利用Game Center功能更可以與一眾好友連線,齊齊在遊戲中決一生死。

.

5.Mucho Party 最啱情侶玩

《Mucho Party》顧名思義就係派對遊戲,2位玩家只需要1部手機就可以同時玩。App內設有40多種小遊戲,每款小遊戲的設計都別出心栽,啱晒用嚟同男女朋友或者朋友Battle!

.

6.PUBG 邊玩邊傾偈

雖然唔係新Game,不過「一齊食雞」絕對簡單易明,玩法相信不用多介紹,就是射擊版「大逃殺」。玩家在遊戲中可以和另外3位朋友組隊,在荒島中生存到最後,齊齊「食雞」,重點無無邊玩邊傾偈,傾下偈就唔會口臭啦。

7.Seven – 7 Minute Workout 7分鐘極速做運動

《Seven》主打各種高強度訓練(HIIT),特點在於在短時間內進行高強度運動,同時得到長時間帶氧運動嘅燃脂效果,加上好多動作都唔需要器械,方便大家在家徒手訓練。

.

8.Netflix Party 同fd同步煲劇

呢期最多人用一定係Netflix,不過自己煲劇有時都幾悶,原來Netflix有個「Netflix Party」擴充功能,可以同朋友齊齊睇,重可以用「聊天室」傾偈、貼emoji,不限邀請人數,重唔開返個追劇派對!

不過用Netflix Party有2個前提,第1:當然就係你同朋友都必須登入各自嘅Netflix帳號(都可以用家庭共享帳號)。第2:一定要用Google Chrome瀏覽器觀睇,再喺應用程式商店下載並安裝《Netflix Party》,用Chrome打開Netflix再撳「NP」標誌,將URL send俾朋友,就可以同步煲刻。

.

睇教學片

.

9.Marvel Unlimited 漫畫迷福音

因為全世界都要留在家中,所以Marvel就宣布旗下多款經典漫畫將免費俾大家線上閱覽,Marvel表示:「由今日至5月4日,大家可以喺Marvel官方App《Marvel Unlimited》免費閱覽。」目前已經釋出多達12部漫畫,包括《Avengers vs. X-Men》、《Civil War》、《Black Widow Vol. 1: S.H.I.E.L.D.’s Most Wanted》及《Captain America: Winter Soldier Ultimate》等等。

 

10.FaceTime 其實好好玩

最近Zoom安全性被受大家關注,其實iPhone本身嘅FaceTime功能都好好玩,最多可以32個人一齊傾偈,重可以將自己個頭變成emoji,不過只限IOS用戶!

 

 📣訂閱SSwagger Telegram頻道,緊貼波鞋、潮流最新消息👟 ➡️ t.me/sswagger

SS推介你感興趣...