【死侍打水行俠？】《死侍2》推爆笑合家歡版 加廿分鐘抵死情節 聖誕上映！
廣告
今個聖誕，大家都在等兩部矚目大片—DC《水行俠》與「變形金剛」外傳《大黃蜂》上映，勢估唔到，一向癲喪的死侍會突然殺出搶鏡！話說《死侍2》早在今年五月上映時贏盡票房同口碑，誰知他未心息，將整部電影重新剪輯，推出「無粗口合家歡」版本《Once Upon A Deadpool》重新上映，實行要教壞⋯吖，唔係，係俘虜全球嘅細路。
.
撰文：Cassi｜圖片：網上圖片
《Once Upon A Deadpool》死侍抄網友橋？
睇片名《Once Upon A Deadpool》，就知死侍一心「從良」向童話界發展。上月Fox已經公開了第一條宣傳片，死侍向新配角Fred講故事，又亂入迪士尼動畫《Up》，更轉死性阻止其他人講粗口，的確幾有新鮮感。
.
.
.
至於剛公開的第二條宣傳片，飾演「異能肥仔」的Julian Dennison話《死侍2》今年五月上映時，16歲以下的觀眾，包括他本人都無得睇，覺得超可惜，幸好聖誔老人聽到這班細路的心聲，送上合家歡版本，透露片中除了刪減部份粗口及血腥場面，更會加挿20分鐘未曝光的爆笑劇情，基本上大家可以當成一部新戲嚟睇。
.
.
.
期間限定！北美上映兩個星
不過，上月有影迷就揭發《Once Upon A Deadpool》炒橋，該影迷早於2017年在Twiiter說過類似橋段，沒想到電影公司真的實踐出來。據知被爆炒橋後，Ryan Reynolds瞬即聯絡該名影迷補鑊。睇見如今再推出第二條宣傳片，相信雙方已經傾掂數。學影迷話齋，橋唔怕撞，最緊要夠爆笑！不過呢個合家歡版本暫時只會由12月13日起，在北美上映兩個星期，香港觀眾就可能要等多陣先有得睇。
.
.
https://www.youtube.com/watch?v=vf9R-H4x_ew
