欖球狂熱襲港!七欖港隊新波衫 銅鑼灣Escapade Sports搶先開賣

運動潮流

廣告

作為一年一度體壇盛事,香港國際七人欖球賽將於下週末舉行(4月5日至7日),每年都吸引了世界各地欖球頂尖好手及數以萬計的球迷齊集香港大球場,除了欣賞欖球賽事及盡興參加嘉年華派對之外,當然不少得一系列限定國家隊波衫服飾及極具特色的Hong Kong Sevens週邊商品啦!而銅鑼灣Escapade Sports每逢香港國際七人欖球賽的來臨,將店舖化身成欖球專區,一於看看有咩波衫及新品最值得入手!

撰文:Chim|攝影:Jacy

.

力撐港隊!必買七欖港隊新波衫 及 香港限定版紀念欖球

今次銅鑼灣Escapade Sports在上週初開始就已經把大量Hong Kong Sevens商品上架開賣,其中多件香港隊波衫自然就成為Hot Item,幾款七人及十五人香港欖球隊波衫都有得揀,要數務必入手的波衫,一定是今屆賽事七欖港隊作客新波衫啦(白色)!

近幾屆香港七人欖球隊的波衫都以紅或深藍作主客場球衣主配色,而今屆Hong Kong Sevens港隊就推出全新作客球衣,並以簡約的白色作主色,球衣設計上更加入極具標誌性的香港市花 – 洋紫荊圖案,相當搶眼又好看!

.

至於今屆Hong Kong Sevens限定Tee及Polo Shirt亦同步發售,入場前買返件著是必須啦!

每年香港七欖賽事,大球場內的「南看台」總是最熱鬧,集齊不同種類各式形式的古靈精怪打扮入場,今次這件Polo Shirt就以「南看台」作靈感設計,配色夠晒搶眼。

當然,部分較為受歡迎的國家隊波衫都有得買,例如:傳統勁旅的紐西蘭 All Blacks 球衣、日本隊、法國隊以及英格蘭隊,假如大家平時有去外國網站購買欖球波衫的習慣,一定要把握今次難得機會,入手心愛的國家隊球衣是時候了!

.

除了以上香港隊及其他國家隊的波衫之外,怎可以少得今屆香港限定版紀念欖球呢?在三款各具特色設計的香港限定版紀念欖球,最值得珍藏肯定是用上小巴牌工藝設計的「香港」欖球(下圖正中),外觀上非常吸引又充滿香港特色,想買真係要趁早啊。

與此同時,銅鑼灣Escapade Sports亦有Hong Kong Sevens 2019大會官方欖球開賣,更設有三種不同尺寸給大家選擇,就連鎖匙扣都好值得收藏。當中Mini版本Hong Kong Sevens 2019欖球同樣好可愛又吸引,今次Escapade Sports會送出三個Mini版欖球給一眾讀者們。想免費得到,一定留意文章末段喇!

同場加映 前新西蘭國家隊球星卡達(Dan Carter)簽名版波衫

原來銅鑼灣Escapade Sports有件鎮店之寶,那就是有前新西蘭國家隊球星卡達(Dan Carter)簽名的All Blacks球衣,簡直是價值連城!可惜這件波衫絕對是非賣品,大家望靚相欣賞一下啦。

.

SSwagger x 銅鑼灣Escapade Sports 免費送你限量版HK Sevens 2019迷你欖球

現送出 限量版HK Seven 2019迷你欖球(名額:3名),想要嘅朋友,請留意以下玩法:
・Like及share此post
・Like《SSwagger.hk》及《Escapade Sports》專頁
・填妥 http://bit.ly/2HMLEl5 及遞交。
・《SSwagger.hk》將會揀出心水答案。
・得獎名單將會在此公布,得獎者將獲電郵通知。
・遊戲截止日期︰4月3日(中午12時)。
《SSwagger.hk》保留最終決議權

銷售點

Escapade Sports  銅鑼灣分店

地址: 銅鑼灣禮頓道怡興大廈 19號1樓 (銅鑼灣地鐵站A出口)

SSW推介你感興趣...