咪再人著你又著!7個揀衫配搭小技巧!
撰文:Nicole|編輯:Manyi|圖片:Instagram
1.了解自己身形
了解自己身形絕對係改變嘅第一步,如果連自己適合咩都唔清楚,咁就唔怪得你成日著錯衫啦!揀衫前睇清楚自身身形,如果淨係識跟風,再潮嘅衫都唔會好好突顯到你身材,睇落幾咁尷尬啊!如果你係梨形嘅身材,切記要避開著迷你裙同短褲。蘋果身材嘅你就千祈唔好揀有墊肩嘅衫。胸部比較豐滿嘅女仔就唔好再揀娃娃裙啦!覺得自己對腳有肉地而又係O字腳就萬萬不能著直筒嘅緊身褲!
2.細細粒女仔
如果本身生得細粒,矮細嘅女仔就一定要靠啲小技巧黎幫自己拉長成個比例!即使身高無優勢,都唔洗灰心住!平時揀衫可以選擇返啲顯腳長嘅下身item,例如著裙一定顯腳長過褲!但咁又唔係叫你日日都要著裙咁悶,即使裙同褲都應該要揀啲cutting比較短版嘅!如果太長版嘅裙或者褲就反而弄巧成拙,將可以顯長嘅腳都收埋咗㗎啦!
在 Instagram 查看這則貼文
3.點樣揀裙?
裙簡直係女仔嘅必殺技,亦係我哋專屬嘅item!如果你學識點揀,而又遇到合適自己cutting嘅設計,魅力就肯家加曬分啦!揀裙最主要係留意裙嘅長度,長度揀得啱就根本上解決九成問題。如果你係鍾意短裙嘅,長度一定唔可以過膝頭,如果唔係就真係中曬伏啦!成對腳都比被遮住,等於一下斬短左成節比例啊!長裙就一定要遮得住小腳肌肉先好揀,如果去到中間位唔三唔四就好難著得好睇啦!
在 Instagram 查看這則貼文
4.Pattern減齡
Pattern絕對係一門學問黎,揀得好絕對係提升品味嘅重要一環!如果揀啱Pattern就絕對可以仙氣十足啦!但如果你揀錯Pattern就一定大大扣分,細細地嘅印花Pattern可以俾人小清新Pattern嘅感覺,如果大印花嘅Pattern就會比較成熟,咁就睇你想行咩Style啦!淺色嘅Pattern就會比深色嘅更加減齡 睇落會young啲輕鬆啲,但點揀都好!切記唔好全身都著有Pattern嘅衫,局部上身或下身就夠啦!
5.靠對鞋搭夠
如果冇身高優勢唔緊要!一樣可以靠對鞋搭夠,女仔學識著高爭鞋就係邁向成為女人嘅第一步,咁又唔叫你日日著對幾吋高嘅鞋周圍走,揀返對少少爭嘅難可以增添多份女人味,亦都可以呈現到女仔腳部嘅線條,細粒嘅女仔仲可以用高爭鞋黎拉長成個身材比例添!而且有返小小爭可以更加突顯到女仔腿部線條,細粒都變長腿啦!
6.簡單大方
女仔鍾意買名牌就一定㗎啦!但係要著得有品味又有氣質,其實又唔一定要著到成身名牌嘅,太過顯名嘅名牌一定要有返下咁上下歷練先撐得起,所以就算著名牌都要揀合適自己嗁,千祈唔好貪個牌子就跟人去買。就算著名牌都千祈唔好放超個兩個大大嘅logo上身,咁樣show唔到你衣著品味之餘仲會搞到好俗氣,成身名牌人地只會覺得你係到show off緊,一啲都唔乾淨大方!
7.Cutting配搭
了解完自己身形,就要學識點著衫去突顯身材嘅優點,其實襯衫唔需要諗到咁複雜,只要記住幾個規律就唔會再出錯!當你上身著左鬆身衫時下身一定要揀返條窄腳褲或者裙,但你上身係緊身衫時下身都可以換返樣闊身少少嘅褲,做返上下唔同嘅感覺。花紋方面,上身花碌碌下身就一定要揀返啲淨色啲嘅item啦!如果唔係俾人眼花撩亂嘅感覺之餘,仲一啲都唔靚添,你都唔想搞到成個阿梅咁㗎!
在 Instagram 查看這則貼文