2

專訪健美小姐Cathy Luk 運動自救擺脫嚴重濕疹 由藥煲變健身教練贏回人生

人物誌

廣告

【SSW 專訪】每位女生都愛美,但如果一出生就滿身紅疹,天生被濕疹、哮喘、鼻敏感等纏身多年,想必身心煎熬吧!今次 SSW 專訪的主角 Cathy 就是如此走過來的,自言由細到大都是個「藥煲」,因為嚴重濕疹不停出入醫院,看遍所有中、西醫和皮膚專科,先天不足令她自細就精神不佳、容易緊張焦慮,嚴重時更曾因病而裸辭在家休養,整整數年過著非人生活,後來幸因運動擺脫嚴重濕疹,更連成健身教練,重拾健康及自信人生。

14歲嚴重濕疹至全身異味

Cathy 憶述自己第一次的全身大爆發,是14 歲那一年,「記得當年好嚴重,真係由頭到腳,全身都流血、結痂、脫皮、出水……當年仲係小朋友嘅我,好辛苦,不停越抓越癢,感覺上全身都冇忽好肉!」當時的Cathy 正值中學時期,理應享受無憂無慮的校園生活,卻每天與濕疹搏鬥,「再加上鼻敏感,每日朝早都要『擤鼻涕』,我覺得成個人都好攰,做咩都冇精神,只係想瞓覺。」當時 Cathy 開始由長期使用類固醇藥膏發展至口服類固醇,情況才漸漸穩定下來,但也只是時好時壞。

濕疹 健身教練
(圖片來源:受訪者提供)
濕疹 健身教練
(圖片來源:受訪者提供)

2013年大爆發現改變契機

當 Cathy 以為一直用藥能控制病情,到了2013年又再一次大爆發,終於令她醒覺,「當時情況仲衰過14歲當時!連腳趾、腳板底都流晒血,流到黏住隻鞋,然後全臉出紅疹,體重開始急升暴肥,身心都好痛苦!」妙齡少女卻在外表上自信全失,加上工作壓力,最後她裸辭休養,自言當時覺得「成個人都機器壞咗」,不停反問自己:「唔通我老佐都仲要每日經歷呢啲『過山車』生活?」

濕疹 健身教練
(圖片來源:受訪者提供)

靠運動逆轉人生

依賴藥物多年卻毫無進展,Cathy 開始自覺要靠自己改變命運,「當時我開始積極做運動,又上網不停搵相關資料,睇下點樣可以改善自己身體。」身體的問題令她在運動上由零開始,一開始只能每日進行約20分鐘的簡單運動,堅持兩個月後漸見成效,「開始知道呢個方法對自己係work!咁就有動力繼續落去,慢慢培養出做運動嘅熱誠。」

濕疹 健身教練
(圖片來源:[email protected]_hk)

開始運動之後,我覺得曾經失去嘅活力開始返返嚟! – Cathy

Cathy 剛開始運動之時,正值濕疹嚴重期,跟所有人一樣,萬事起頭難。「開頭我都係晚飯後先運動半個鐘左右,初期都會擔心身體頂唔頂得順,好幸運地,汗水冇令我不適,反而我覺得好享受專注喺自己身體嘅感覺!」自從開始運動,Cathy 感受到身體的自癒能力被活化,堅持運動亦令她重拾對人生的熱情和積極,「我開始覺得,自己都有能力塑造理想嘅生活!」最後,她用了一年時間戒糖和運動,就能成功擊退濕疹,過回正常的生活。

濕疹 健身教練
(圖片來源:[email protected]_hk)

由藥煲變健身教練

有說人生每一個過程都成就了現在的自己,在Cathy身上,曾經令她痛不欲生的濕疹令她開啟了運動之路,更考牌成為健身教練。曾經的她不敢望著鏡中的自己,重新建立自信後多次參加健美比賽,更曾在世界錦標賽上取得第二名,「以前只係想收埋自己,好返之後我仲去參加比堅尼小姐比賽,突破自己的心理關口!」

濕疹
(圖片來源:[email protected]_hk)
濕疹 健身教練
(圖片來源:[email protected]_hk)

人生好有趣,如果冇以前嘅經歷,我未必會成為健身教練。 – Cathy

濕疹 健身教練
(圖片來源:[email protected]_hk)

現在,運動已經成為 Cathy 生活中不可缺少的習慣,堅持每日運動之餘,她的運動計劃也包括了爆發力訓練、心肺功能、力量訓練、穩定性、情緒釋放等等,無論是瑜伽、拉筋、行山、HIIT、重訓,全都是她的「叉電機」!濕疹和運動,塑造出Cathy 堅定不移的個性,「我成日同自己講:『我一定得嘅!』」

濕疹 健身教練
(圖片來源:[email protected]_hk)
濕疹 健身教練
(圖片來源:[email protected]_hk)

撰文:Natalie圖片來源:[email protected]_hk、受訪者提供

SSW推介你感興趣...